ໃນໄລຍະຕົ້ນ​ເດືອນພະຈິກ 2022 ​ຜ່ານ​ມານິ້, ທ່ານ ຄໍາພັນ ພັນທະວົງ ຮອງຫົວໜ້າ ພະແນກຊັບພະຍາກອນທໍາມະຊາດ ແລະ ສິ່ງແວດລ້ອມ ແຂວງໄຊຍະບູລີ ພ້ອມດ້ວຍທີມງານໄດ້ລົງເຄື່ອນໄຫວຊຸກຍູ້ວຽກງານຊັບພະຍາກອນທໍາມະຊາດ ແລະ ສິ່ງແວດລ້ອມຮອບດ້ານ ຢູ່ 04 ເມືອງເໜືອ, ໂດຍສົມທົບກັບ ຫ້ອງການຊັບພະຍາກອນທໍາມະຊາດ ແລະ ສິ່ງແແວດລ້ອມ ເມືອງຫົງສາ, ຫຊສ ເມືອງເງິນ, ຫຊສ ເມືອງຊຽງຮ່ອນ, ຫຊສ ເມືອງຄອບ, ມີບັນດາ ທ່ານຄະນະຫ້ອງການ ຊສ ເມືອງ, ຄະນະທີມງານຂອງພະແນກ ຊສ ແຂວງ, ຄະນະໜ່ວຍງານ ພະນັກງານ ຂອງ ຫຊສ ເຂົ້າຮ່ວມ. ຈຸດປະສົງຂອງການລົງມາເຮັດວຽກໃນຄັ້ງນີ້ ກໍ່ເພື່ອສ້າງຄວາມເຂັ້ມແຂງໃຫ່ແກ່ການຈັດຕັ້ງເຄື່ອນໄຫວວຽກງານໃນຂະແໜງຊັບພະຍາກອນທໍາມະຊາດ ແລະ ສິ່ງແວດລ້ອມ ໃນຂອບເຂດທົ່ວແຂວງ ດັ່ງນີ້: ຊຸກຍູ້, ປະເມີນການຈັດຕັ້ງປະຕິບັດບັນດາຄາດໝາຍທີ່ວາງໄວ້ຕາມແຜນການປີ 3 ເດືອນທ້າຍປີ 2022; ແນະນຳວຽກການຈັດຕັ້ງປະຕິບັດວຽກງານການເງີນ, ຈົດຮັບຈົດຈ່າຍ ແລະ ລະບົບການລົງບັນຊີຫຼັງຈ່າຍ; ຊຸກຍູ້ການຈັດເກັບລາຍຮັບ ຕາມ 002/ປປທ, ການສ້າງຖານລາຍຮັບ ແລະ ຂຸດຄົ້ນທ່າແຮງບົ່ມຊ້ອນ ຕິດພັນກັບວາລະແຫ່ງຊາດ ແຜນແກ້ໄຂຄວາມຫຍຸ້ງຍາກທາງດ້ານ ເສດຖະກິດ ການເງິນ ຂົງເຂດ ຊສ; ຊຸກຍູ້ການຄຸ້ມຄອງສິ່ງແວດລ້ອມ, ນໍ້າ ເຊັ່ນ: ການຄຸ້ມຄອງການອອກໃບຢັ້ງຢືນສິ່ງແວດລ້ອມ, ການຈັດຕັ້ງປະຕິບັດວຽກງານຂຽວສະອາດງາມຕາ, ການຄຸ້ມຄອງຂໍ້ມູນ ແລະ ການອະນຸຍາດການນຳໃຊ້ນໍ້າ.

 

 

 

 

 

 

 

 

   ໃນ​ຕົ້ນ​ເດືອນພະຈິກ 2022 ນີ້ ພະແນກຊັບພະຍາກອນທໍາມະຊາດ ແລະ ສິ່ງແວດລ້ອມ ແຂວງ ໄຊຍະບູລີ ໄດ້ ທົບກັບພາກສ່ວນທີ່ກ່ຽວຂ້ອງ, ໄດ້ເປີດ ກອງປະຊຸມ ປຶກສາຫາລືເພື່ອກະກຽມລົງສໍາຫຼວດຈັດສັນທີ່ດິນ, ວາງແຜນນໍາໃຊ້ທີ່ດິນ ເຂດສູນອານຸລັກຊ້າງລາວ ໜ້າອ່າງນໍ້າຕຽນ ຢູ່ ທີ່ຫ້ອງປະຊຸມ ພຊສ, ໂດຍການເປັນປະທານ ຂອງ ທ່ານ ບຸນລັບ ແສງອາພອນ ກໍາມະການພັກແຂວງ, ຫົວໜ້າ ພະແນກຊັບພະຍາກອນທໍາມະຊາດ ແລະ ສິ່ງແວດລ້ອມ, ມີ ທ່ານ ຮອງເຈົ້າເມືອງໄຊຍະບູລີ ,ຫົວໜ້າ, ຮອງພະແນກ, ຫົວໜ້າ, ຮອງຫົວໜ້າຫ້ອງການ, ພະນັກງານວິຊາການ ອ້ອມຂ້າງແຂວງ, ເມືອງ ແລະ ອຳນາດການປົກຄອງບ້ານກ່ຽວຂ້ອງ ເຂົ້າຮ່ວມ ທັງໝົດ 23 ທ່ານ, ຍິງ 03 ທ່ານ.

   ໃນທ້າຍເດືອນ ຕຸລາ 2022 ຜ່ານມານີ້ ທີ່ຫ້ອງປະຊຸມຫ້ອງວ່າການປົກຄອງເມືອງແກ່ນທ້າວ ພະແນກຊັບພະຍາກອນທຳມະຊາດ ແລະ ສິ່ງແວດລ້ອມ ແຂວງໄຊຍະບູລີ ຈັດກອງປະຊຸມຜ່ານບົດລາຍງານ ການສຶກສາເບື້ອງຕົ້ນ ກ່ຽວກັບ ຜົນກະທົບຕໍ່ສິ່ງແວດລ້ອມ (ບສຕສ) ໂຄງການຊົນລະປະທານນໍ້າຊາງ ຢູ່ເຂດບ້ານຫ້ວຍເລີກ ແລະ ບ້ານວັງປູນ ເມືອງແກ່ນທ້າວ ຂອງບໍລິສັດ Vijay Kumar Mishra Construction Pvt. Ltd (VKMCP) ໂດຍການເປັນປະທານຮ່ວມຂອງ ທ່ານ ບຸນລັບ ແສງອາພອນ ຫົວໜ້າ ພຊສ, ທ່ານ ສີຄານ ແກ່ນມະນີ ຮອງເຈົ້າເມືອງແກ່ນທ້າວ ໂດຍມີຜູ້ຕາງໜ້າຈາກພະແນກການທີ່ກ່ຽວຂ້ອງຂັ້ນແຂວງ, ຫ້ອງການທີ່ກ່ຽວຂ້ອງຂັ້ນເມືອງ, ຜູ້ຕ່າງໜ້າສະພາປະຊາຊົນ, ອຳນາດການປົກຄອງບ້ານທີ່ຈະໄດ້ຮັບຜົນກະທົບຄື: ບ້ານຫ້ວຍເລີກ, ບ້ານວັງປູນ, ເຈົ້າຂອງໂຄງການ ແລະ ບໍລິສັດທີ່ປຶກສາດ້ານສິ່ງແວດລ້ອມຂອງໂຄງການ ເຂົ້າຮ່ວມທັງໝົດ ຈໍານວນ 28 ທ່ານ, ຍິງ 01 ທ່ານ.

 

     ໃນວັນທີ່ 19 ຕຸລາ 2022 ຜ່ານມາ ຄະນະທິມງານ ຂອງ ພະແນກຊັບພະຍາກອນທໍາມະຊາດ ແລະ ສິ່ງແວດລ້ອມ ແຂວງໄຊຍະບູລີ, ເຊິ່ງນຳໂດຍ: ທ່ານ ຄຳພັນ ພັນທະວົງ ຮອງຫົວໜ້າພະແນກຊັບພະຍາກອນທໍາມະຊາດ ແລະ ສິ່ງແວດລ້ອມ ໄດ້ລົງເຂື່ອນໄຫວວຽກງານ ຢູ່ ຂັ້ນເມືອງ ແລະ ເຂົ້າຮ່ວມກອງປະຊຸມສະຫຼູບວຽກງານ 09 ເດືອນ ແລະ ທິດທາງແຜນການ 03 ເດືອນທ້າຍປີ 2022 ຂອງ ຫ້ອງການຊັບພະຍາກອນທໍາມະຊາດ ແລະ ສິ່ງແວດລ້ອມ ເມືອງ ແກ່ນທ້າວ ຢູ່ທີ່ສະໂມສອນຫ້ອງວ່າການປົກຄອງເມຶອງ ໂດຍການເປັນປະທານ ຂອງ ທ່ານ ບຸນຊູ ບຸນພັກດີ ຫົວໜ້າຫ້ອງການຊັບພະຍາກອນທໍາມະຊາດ ແລະ ສິ່ງແວດລ້ອມເມືອງ ແກ່ນທ້າວ,ໂດຍການໃຫ້ກຽດເຂົ້າຮ່ວມ ຂອງ ທ່ານ ສີຄານ ແກ່ນມະນີ ຮອງເຈົ້າເມືອງແກ່ນທ້າວ ຜູ້ຊີ້ນຳນຳວຽກເສດຖະກິດ,

   ໃນວັນທີ 13-14 ມັງກອນ 2022 ທີ່ຜ່ານມານິ້ ຄະນະທີມງານພະແນກຊັບພະຍາກອນທໍາມະຊາດ ແລະ ສິ່ງແວດລ້ອມແຂວງ ໄດ້ລົງສົມທົບກັບຫ້ອງການຊັບພະຍາກອນທໍາມະຊາດ ແລະ ສິ່ງແແວດລ້ອມ ເມືອງເງິນ, ເມືອງຊຽງຮ່ອນ, ເມືອງຄອບ, ເມືອງໄຊຍະບູລີ ແລະ ເມືອງ ໄຊສະຖານຈັດກອງປະຊຸມເຜີຍແຜ່ນະໂຍບາຍ, ກົດໝາຍ, ລະບຽບການຂອງຂະແໜງຊັບພະຍາກອນທໍາມະຊາດ ແລະ ສິ່ງແວດລ້ອມ ແລະ ຝຶກອົບຮົມວຽກງານຈັດຕັ້ງ ຢູ່ ຫຊສ ເມືອງ ເງິນ ເພື່ອສ້າງຄວາມເຂັ້ມແຂງທາງດ້ານວິຊາການ ກ່ຽວກັບ ການຈັດຕັ້ງປະຕິບັດລັດຖະບັນຍັດ ເລກທີ 002/ປປທ ວ່າດ້ວຍຄ່າທຳນຽມ ແລະ ຄ່າບໍລິການໃນຂະແໜງຊັບພະຍາ ກອນທໍາມະຊາດ ແລະ ສິ່ງແວດລ້ອມ, ວຽກງານຈັດຕັ້ງ ແລະ ພະນັກງານຢູ່ ຂັ້ນເມືອງ ໂດຍການເປັນປະທານຂອງ ທ່ານ ຄໍາພັນ ພັນທະວົງ ຮອງຫົວໜ້າພະແນກຊັບພະຍາກອນທໍາມະຊາດ ແລະ ສິ່ງແວດລ້ອມແຂວງ ມີບັນດາທ່ານຄະນະຫ້ອງການ ຊສ ເມືອງ, ຄະນະທີມງານຂອງພະແນກ ຊສ ແຂວງ, ຄະນະໜ່ວຍງານ ພະນັກງານ ຂອງ ຫຊສ 5 ເມືອງ ມີຜູ້ເຂົ້າຮ່ວມທັງໜົດ 22 ທ່ານ, ຍິງ 6 ທ່ານ.

  1. ພິທິປະກາດ ການສ້າງຕັ້ງໜ່ວບພັກທີ່ຂື້ນກັບຄະນະພັກຮາກຖານ, ການບົ່ງຕົວແຕ່່ງຕັ້ງຄະນະໜ່ວຍພັກ ທີ່ຂືນກັບຄະນະພັກຮາກຖານ ພຊສ
  2. ພະແນກຊັບພະຍາກອນທຳມະຊາດ ແລະ ສິ່ງແວດລ້ອມ ແຂວງຫຼວງພະບາງມອບເງິນຊ່ວຍເຫຼືອນ້ຳຖ້ວມ ຢູ່່ ແຂວງໄຊຍະບູລີ
  3. ພະແນກຊັບພະຍາກອນທໍາມະຊາດ ແລະ ສິ່ງແວດລ້ອມ ແຂວງໄຊຍະບູລີ ມອບເຄື່ອງເພື່ອຊ່ວຍເຫຼືອນໍ້າຖ້ວມ ຢູ່ ແຂວງ ໄຊຍະບູລີ.
  4. ພະແນກຊັບພະຍາກອນທໍາມະຊາດ ແລະ ສິ່ງແວດລ້ອມ ແຂວງ ໄຊຍະບູລີ ລົງຊ່ວຍເຫຼືອປະຊາຊົນຜູ້ທີ່ຖຶກຜົນກະທົບໄພນໍ້າຖ້ວມ, ຄັ້ງວັນທີ 14 ມິຖຸນາ 2021 ທີ່ ບ້ານ ນາເລົາ ເມືອງໄຊຍະບູລີ, ແຂວງໄຊຍະບູລີ.
  • You are here:  
  • Home